ZERGATIK DUTE
BIBOTEEK KATUA?
Agian ez litzateke zaila izango “Zergatik ditu katuak biboteak?” galderari erantzutea, baina buelta ematen diogunean berriz, galderak zalantza, gogoeta eta irudimena eragiten digu. BRIF BRAF BRUF jaialdian galderak egin nahi dizkiogu geure buruari, ateak ireki eta beste aldean dauden mundu posibleak imajinatu. Gainera, Gianni Rodarik “Galdera pilo” ipuinean proposatzen zuen bezala, nahiago dugu galderak alderantziz egin.
KONTALARIAK elkarteak, Txantreako beste kultura, gizarte eta hezkuntza erakunde batzuekin batera, eta artisten eta auzoko haur askoren lanari esker, ilusioz prestatu dugu jaialdiaren hirugarren edizioa.
Txantreako kaleetan, parkeetan eta plazetan zehar, jolasteko eta imajinatzeko instalazio artistikoak aurkituko dituzu abenduaren 26tik, urtarrilaren 7a arte.

BRIF BRAF BRUF-eko
4 Unibertso Fantastikoak ezagutu eta disfrutatu!

HIRI FANTASTIKOA
Ipuinak entzuteko telefono kabina bat edo urdina jarri eta agindu eroak ematen dituen semaforo bat duen hiria bisitatu nahi duzu? Gustatuko litzaizuke hiri honetako etxe fantastikoan bizi diren pertsonaia bereziak ezagutzea? Zatoz Hiri Fantastikora Arriurdiñeta plazan!
Arriurdiñeta plaza / Liburutegia
12:00 – 14:00 / 17:30 – 20:00

FERIA FANTASTIKOA
Jolastu nahi duzu? Zatoz Feriara!
Euskara plaza Feria bat bihurtuko da, Itzalen karrusela fantastikoarekin eta jolas-etxe dibertigarriekin.
Euskara plaza (Madgalena kalea- San Cristobal kalea)
17:30 – 20:00

BASO FANTASTIKOA
Sartu Munduko Parkean eta prestatu zentzumenak! Parke honetan zuhaitzek abesten dute, biztanle koloretsuak bizi dira eta mezu sekretuak gordetzen dituzten buzoi fantastikoak agertu dira!
Munduko parkea
Egun osoan zehar

HORMA ETA DENDA FANTASTIKOAK
Gares plaza inguruko kaleetan, etxe batzuetako hormak kolorez bete dira.
Topa itzazu! Eta auzoko denda batzuetako erakuslehioetan Marco eta Mirko jokoan jolasteko irudiak.
C/ Magdalena-Lakuntza / Txantrea
Egun osoan zehar

TXAN-CLETA rekin INAUGURAZIOA
Bizikleta martxa unibertso fantastikoetan zehar
Arriurdiñeta Plazan
Abenduaren 26a · 17:30

SARI BANAKETA
Euskara plaza
(Madgalena kalea – San Cristobal kalea)
Urtarrilaren 7a · 18:30

ITXIERA KONTZERTUA
KINBONBO BRASS BAND
Euskara plaza
(Madgalena kalea – San Cristobal kalea)
Urtarrilaren 7a · 19:00
INFORMAZIO ETXEAK
Euskara Plazan
Magdalena Kalea – San Cristobal kalea
17:30 – 20:00
Arriurdiñeta Plaza
Liburutegi publikoaren ondoan
12:00 – 14:00 / 17:30 – 20:00
Itxita:
Abenduaren 31an arratsaldez.
Urtarrilaren 1a.
Urtarrilaren 6an goizez.
