Slide

Aurkezpena

BRIF BRAF BRUF haur literatura eta ilustrazio jaialdia da, Gianni Rodari haur literaturako idazlearen irudian inspiratua. Jaialdiak Fantasiaren beharra aldarrikatzen du, bizitzeko eta gure errealitatea ezagutzeko ezinbestekoa. Jaialdiaren helburu nagusia sormena eta fantasia hori sustatzea da, Txantrea auzoko plaza eta kaleetan esperientzia fantastikoen bidez, hitzarekin eta ahozkotasunarekin jolasteko. Gozatu Txantrea fantastikoaz!

Logo Brif Braf Bruf

Ikastetxeen eta auzoko elkarteekin elkarlana

Haurren parte-hartzea eta auzoko beste kultur eta gizarte erakundeekin batera lan egitea izan dira jaialdi eta proiektu honen ardatzak. Auzoko ikastetxeekin lankidetza ezarri da, auzoko haurrak eta gazteak aktiboki parte har dezaten ez soilik ikusleak izateko. Gainera, neska talde bat izan da jaialdiaren antolaketan. Auzoko beste erakunde batzuekin (Liburutegia, Jai Batzorde, Latxan Merkatari Elkartea, Txantrean Auzolan...) elkarlanean aritzeak jaialdi honen ideiak eta aukerak ugaritu ditu, eta, ondorioz, ez da unean uneko kontua, denboran iraungo duen proiektua baizik.