Gares plaza inguruko kaleetan, lau etxeetako hormak kolorez eta fantasiaz bete dira. Topa itzazu!
Eta auzoko denda batzuetako erakuslehioetan Marco eta Mirko jokoan jolasteko irudiak agertu dira!
Gares Plaza / Txantrea
Egun osoan zehar
HORMA IRUDIA
Aurten Los Arcos kaleko 2 zenbakian dagoen horma eraldatu egin da Zuzene Seminario, Lorea Larraya eta June García artistek margotu duten ilustrazioari esker.
Diseinua “75 autobusa” ipuinean oinarrituta eta Bernart Etxepare IPko 1 mailako txikien laguntza handiarekin sortu dute. Aurreko edizioetan Leire Urbeltzek, Miren Asiain Lorak eta Maite Mutuberriak Gares plazaren inguruan egindako beste hirurekin batera dago mural hau.
MARCO ETA MIRKO
Bikoteen jokoa itzuli da! Hartu mapa eta auzoan zehar ibili denda batzuetako erakusleihoetan dauden irudi berdinen bikoteak aurkituz. Aurten zazpi ilustratzaile nafarrek eta Iruñeko Arte eta Goi Mailako Diseinu Eskolako diseinu graduko ikasleek beren ilustrazioekin parte hartu dute! Denak aurkitzen badituzu, sari bat irabazi ahal izango duzu.
